വ്യോമസേനയുടെ ഫ്ലയിങ്, ഗ്രൗണ്ട് ഡ്യൂട്ടി (ടെക്നിക്കൽ, നോൺ ടെക്നിക്കൽ), മീറ്റിയറോളജി ബ്രാഞ്ചുകളിൽ 283കമ്മിഷൻഡ് ഓഫിസർ തസ്തികയിലേക്ക് ഒൗദ്യോഗിക വിജ്ഞാപനം പ്രസിദ്ധീകരിച്ചു. ജൂൺ 30 വരെ ഓൺലൈനായി അപേക്ഷിക്കാം. വനിതകൾക്കും അപേക്ഷിക്കാം.
യോഗ്യത: ∙ഫ്ലയിങ് ബ്രാഞ്ച്: 60% മാർക്കോടെ ബിരുദം അല്ലെങ്കിൽ 60% മാർക്കോടെ ബിഇ/ബിടെക് അല്ലെങ്കിൽ 60% മാർക്കോടെ അസോഷ്യേറ്റ് മെംബർഷിപ് ഓഫ് ഇൻസ്‌റ്റിറ്റ്യൂഷൻ ഓഫ് എൻജിനീയേഴ്‌സ് (ഇന്ത്യ)/എയ്‌റോനോട്ടിക്കൽ സൊസൈറ്റി ഓഫ് ഇന്ത്യ നടത്തുന്ന പരീക്ഷയുടെ എയും ബിയും സെക്‌ഷനുകളിൽ ജയം അല്ലെങ്കിൽ തത്തുല്യം. പ്ലസ് ടുവിനു ഫിസിക്സിനും മാത്‌സിനും 50% വീതം മാർക്കുണ്ടാകണം.
ഗ്രൗണ്ട് ഡ്യൂട്ടി (ടെക്നിക്കൽ) ബ്രാഞ്ച്: എയ്‌റോനോട്ടിക്കൽ എൻജിനീയർ (ഇലക്‌ട്രോണിക്‌സ്): എൻജിനീയറിങ്/ടെക്നോളജിയിൽ 4വർഷ ബിരുദം/ഇന്റഗ്രേറ്റഡ് പിജി അല്ലെങ്കിൽ 60% മാർക്കോടെ അസോഷ്യേറ്റ് മെംബർഷിപ് ഒാഫ് ഇൻസ്‌റ്റിറ്റ്യൂഷൻ ഒാഫ് എൻജിനീയേഴ്‌സ് (ഇന്ത്യ)/എയ്‌റോനോട്ടിക്കൽ സൊസൈറ്റി ഓഫ് ഇന്ത്യ നടത്തുന്ന പരീക്ഷയുടെ എയും ബിയും സെക്‌ഷനുകളിൽ ജയം അല്ലെങ്കിൽ ഇൻസ്‌റ്റിറ്റ്യൂഷൻ ഓഫ് ഇലക്‌ട്രോണിക്‌സ് ആൻഡ് ടെലികമ്യൂണിക്കേഷൻ എൻജിനീയേഴ്‌സിന്റെ ഗ്രാജുവേറ്റ് മെംബർഷിപ് പരീക്ഷാജയം അല്ലെങ്കിൽ തത്തുല്യം. പ്ലസ് ടുവിനു ഫിസിക്സിനും മാത്‌സിനും 50% വീതം മാർക്കുണ്ടാകണം.
എയ്‌റോനോട്ടിക്കൽ എൻജിനീയർ (മെക്കാനിക്കൽ): എൻജിനീയറിങ്/ടെക്നോളജിയിൽ 4 വർഷ ബിരുദം/ഇന്റഗ്രേറ്റഡ് പിജി അല്ലെങ്കിൽ 60% മാർക്കോടെ അസോഷ്യേറ്റ് മെംബർഷിപ്പ് ഒാഫ് ഇൻസ്‌റ്റിറ്റ്യൂഷൻ ഒാഫ് എൻജിനീയേഴ്‌സ് (ഇന്ത്യ)/ എയ്‌റോനോട്ടിക്കൽ സൊസൈറ്റി ഓഫ് ഇന്ത്യ നടത്തുന്ന പരീക്ഷയുടെ എയും ബിയും സെക്‌ഷനുകളിൽ ജയം അല്ലെങ്കിൽ തത്തുല്യം. പ്ലസ് ടുവിന് ഫിസിക്സിനും മാത്‌സിനും 50% വീതം മാർക്കുണ്ടാകണം.
∙ഗ്രൗണ്ട് ഡ്യൂട്ടി (നോൺ ടെക്നിക്കൽ) ബ്രാഞ്ച്: അഡ്‌മിനിസ്‌ട്രേഷൻ ആൻഡ് ലോജിസ്റ്റിക്സ്: 60% മാർക്കോടെ ബിരുദം അല്ലെങ്കിൽ 60% മാർക്കോടെ അസോഷ്യേറ്റ് മെംബർഷിപ് ഒാഫ് ഇൻസ്‌റ്റിറ്റ്യൂഷൻ ഒാഫ് എൻജിനീയേഴ്‌സ് (ഇന്ത്യ)/എയ്‌റോനോട്ടിക്കൽ സൊസൈറ്റി ഓഫ് ഇന്ത്യ നടത്തുന്ന പരീക്ഷയുടെ എയും ബിയും സെക്‌ഷനുകളിൽ ജയം അല്ലെങ്കിൽ തത്തുല്യം.
അക്കൗണ്ട്സ്: 60% മാർക്കോടെ ബികോം/ബിബിഎ (ഫിനാൻസ് സ്പെഷലൈസേഷൻ)/മാനേജ്മെന്റ് സ്റ്റഡീസിൽ ബിരുദം (ഫിനാൻസ് സ്പെഷലൈസേഷൻ)/ബിസിനസ് സ്റ്റഡീസിൽ ബിരുദം (ഫിനാൻസ് സ്പെഷലൈസേഷൻ)/സിഎ/സിഎംഎ/ സിഎസ്/സിഎഫ്എ/ബിഎസ്‌സി (ഫിനാൻസ് സ്പെഷലൈസേഷൻ).
മീറ്റിയറോളജി: 50% മാർക്കോടെ എതെങ്കിലും സയൻസ് വിഷയം/മാത്തമാറ്റിക്‌സ്/സ്‌റ്റാറ്റിസ്‌റ്റിക്‌സ്/ജ്യോഗ്രഫി/കംപ്യൂട്ടർ ആപ്ലിക്കേഷൻസ്/എൻവയൺമെന്റൽ സയൻസ്/അപ്ലൈഡ് ഫിസിക്‌സ്/ഓഷനോഗ്രഫി/മീറ്റിയറോളജി/അഗ്രികൾചറൽ മീറ്റിയറോളജി/ഇക്കോളജി ആൻഡ് എൻവയൺമെന്റ്/ജിയോഫിസിക്‌സ്/എൻവയൺമെന്റൽ ബയോളജിയിൽ പിജി. ബിരുദതലത്തിൽ മാത്തമാറ്റിക്‌സ്, ഫിസിക്‌സ് എന്നീ വിഷയങ്ങൾക്കു 55% മാർക്കുണ്ടാകണം.
ബന്ധപ്പെട്ട എൻജിനീയറിങ് വിഭാഗങ്ങൾക്കു സൈറ്റ് കാണുക.
പ്രായം (01.07.2023 ന്): ഫ്ലയിങ് ബ്രാഞ്ച്: 20–24. 1999 ജൂലൈ രണ്ടിനും 2003 ജൂലൈ ഒന്നിനും മധ്യേ ജനിച്ചവരാകണം (രണ്ടു തീയതിയും ഉൾപ്പെടെ). ഗ്രൗണ്ട് ഡ്യൂട്ടി (ടെക്നിക്കൽ/ നോൺ ടെക്നിക്കൽ ബ്രാഞ്ച്): 20–26. 1997 ജൂലൈ രണ്ടിനും 2003 ജൂലൈ ഒന്നിനും മധ്യേ ജനിച്ചവരാകണം (രണ്ടു തീയതിയും ഉൾപ്പെടെ).
25 വയസ്സിൽ താഴെയുള്ള അപേക്ഷകർ അവിവാഹിതരായിരിക്കണം.
പരിശീലനം: 2023 ജൂലൈയിൽ ഹൈദരാബാദിൽ ആരംഭിക്കും. ഫ്ലയിങ്, ഗ്രൗണ്ട് ഡ്യൂട്ടി ടെക്നിക്കൽ ബ്രാഞ്ചിന് 74 ആഴ്‌ചയും ഗ്രൗണ്ട് ഡ്യൂട്ടി നോൺ ടെക്നിക്കൽ ബ്രാഞ്ചിന് 52 ആഴ്‌ചയുമാണു പരിശീലനം.
ശമ്പളം (ഫ്ലയിങ് ഓഫിസർ): 56,100–1,77,500. പരിശീലനസമയത്തു ഫ്ലൈറ്റ് കേഡറ്റുകൾക്ക് 56,100 രൂപ സ്റ്റൈപൻഡ് ലഭിക്കും.
എയർഫോഴ്സ് കോമൺ അഡ്മിഷൻ ടെസ്റ്റ് (AFCAT) ഒാൺലൈനായി ഒാഗസ്റ്റ് 26, 27, 28 തീയതികളിൽ നടത്തും. തിരുവനന്തപുരം, കൊച്ചി, തൃശൂർ, കണ്ണൂർ എന്നിവിടങ്ങളിലും പരീക്ഷാ കേന്ദ്രമുണ്ട്.
