*₹ 35,600 തുടക്ക ശമ്പളത്തിൽ ആരോഗ്യ വകുപ്പിൽ ജോലി നേടാം; കേരള പി. എസ്. സി. റിക്രൂട്ട്മെന്റ്; ഡിസംബർ 31- 2025 വരെ*.
ആരോഗ്യ വകുപ്പിന് കീഴിൽ റഫ്രിജറേഷൻ മെക്കാനിക്ക് (HER) തസ്തികയിലേക്ക് കേരള പി എസ് സി പുതിയ റിക്രൂട്ട്മെന്റ് പുറത്തിറക്കി. ആകെയുള്ള ഒരു ഒഴിവലേക്കാണ് നിയമനം. താൽപര്യമുള്ളവർ പി.എസ്.സി വെബ്സൈറ്റ് മുഖാന്തിരം അപേക്ഷ പൂർത്തിയാക്കണം.
യോഗ്യരായ ഉദ്ദ്യോഗാർത്തികൾക്ക് 31.12.2025 വരെ അപേക്ഷിക്കാം.
*തസ്തികയും ഒഴിവുകളും*
ആരോഗ്യ വകുപ്പിൽ റഫ്രിജറേഷൻ മെക്കാനിക്ക്. ആകെ ഒഴിവുകൾ
01. കാറ്റഗറി നമ്പർ: 457/2025
ശമ്പളം: 35,600 രൂപ മുതൽ 75,400 രൂപാ വരെ പ്രതിമാസം ശമ്പളം ലഭിക്കും.
*പ്രായ പരിധി* 1. 19 വയസ്സിനും 36 വയസ്സിനും ഇടയിൽ.
2. ഉദ്യോഗാർത്ഥികൾ 02.01.1989 നും 01.01.2006 നും ഇടയിൽ ജനിച്ചവരായിരിക്കണം.
പട്ടികജാതി/പട്ടികവര്ഗ്ഗ വഭാഗത്തിലുള്ളവർക്കും മറ്റു പിന്നോക്ക വിഭാഗത്തിൽ ഉൾപ്പെട്ടവർക്കും നിയമാനുസൃത ഇളവുണ്ടായിരിക്കും.
*യോഗ്യത*
എസ്.എസ്.എൽ. സി. വജയിച്ചിരിക്കണം.
കേരള സർക്കാരിന്റെ സാങ്കേതിക വിദ്യാഭ്യാസ വകുപ്പ് നൽകുന്ന റഫ്രിജറേഷൻ ആൻഡ് എസി കണ്ടീഷനിംഗിലുള്ള പോസ്റ്റ് ഡിപ്ലോമ കോഴ്സ് സർട്ടിഫിക്കറ്റും ഏതെങ്കിലും സർക്കാർ/അർദ്ധ സർക്കാർ/രജിസ്റ്റർ ചെയ്തിട്ടുള്ള സ്വകാര്യ സ്ഥാപനത്തിൽ നിന്നും റഫ്രിജറേറ്ററുകളുടെയും എയർ കണ്ടീഷനിംഗ് ഉപകരണങ്ങളുടെയും പരിപാലനത്തിനും റിപ്പയറിംഗിലും നേടിയ മൂന്നു വർഷത്തിൽ കുറയാത്ത പരിചയവും. അല്ലെങ്കിൽ സർക്കാരിൽ നിന്നും ലഭിച്ച മെക്കാനിക്ക്-റഫ്രിജറേഷൻ ആൻഡ് എയർ കണ്ടീഷനിംഗ് ട്രേഡിലുള്ള നാഷണൽ ട്രേഡ് സർട്ടിഫിക്കറ്റ്. അല്ലെങ്കിൽ നാഷണൽ അപ്രന്റീസ്ഷിപ്പ് സർട്ടിഫിക്കറ്റ് കൂടാതെ, ഏതെങ്കിലും സർക്കാർ/ അർദ്ധ സർക്കാർ രജിസ്റ്റർ ചെയ്തിട്ടുള്ള സ്വകാര്യ സ്ഥാപനത്തിൽ നിന്നും റഫ്രിജറേറ്ററുകളുടെയും എയർകണ്ടീഷനിംഗ് ഉപകരണങ്ങളുടെയും പരിപാലനത്തിലും റിപ്പയറിംഗിലും നേടിയ അഞ്ചുവർഷത്തെ പരിചയവും ഉള്ളവരായിരിക്കണം
. *പ്രൊബേഷൻ*
നിയമിക്കപ്പെടുന്നവർ ജോലിയിൽ പ്രവേശിക്കുന്ന തീയതി മുതൽ തുടർച്ചയായ മൂന്നു വർഷക്കാല സേവനത്തിനിടയിൽ ആകെ രണ്ടു വർഷം പ്രൊബേഷനിലായിരിക്കും
*അപേക്ഷിക്കേണ്ട വിധം*
ഉദ്യോഗാർത്ഥികൾ കേരള പബ്ളിക് സർവീസ് കമ്മീഷന്റെ ഔദ്യോഗിക വെബ്സൈറ്റായ www.keralapsc.gov.in വഴി 'ഒറ്റത്തവണ രജിസ്ട്രേഷൻ' പ്രകാരം രജിസ്റ്റർ ചെയ്ത ശേഷമാണ് അപേക്ഷിക്കേണ്ടത്.
രജിസ്റ്റർ ചെയ്തിട്ടുള്ള ഉദ്യോഗാർത്ഥികൾ അവരുടെ user ID യും password ഉം ഉപയോഗിച്ച് login ചെയ്തശേഷം സ്വന്തം profile ലൂടെ അപേക്ഷിക്കേണ്ടതാണ്.
തസ്തികയോടോപ്പം കാണുന്ന notification link ലെ apply now-ൽ മാത്രം click ചെയ്യേണ്ടതാണ്.
അപേക്ഷാ ഫീസ് നൽകേണ്ടതില്ല.
അപേക്ഷിക്കുന്നതിനുമുൻപ് തന്റെ പ്രൊഫൈലിൽ ഉൾക്കൊള്ളിച്ചിരിക്കുന്ന വിവരങ്ങൾ ശരിയാണെന്ന് ഉദ്യോഗാർത്ഥി ഉറപ്പുവരുത്തേണ്ടതാണ്.
