കൊമേഴ്‌സ്യൽ കം ടിക്കറ്റ് ക്ലർക്ക്,
അക്കൗണ്ട്‌സ് ക്ലർക്ക് കം ടൈപ്പിസ്റ്റ്,
ജൂനിയർ ക്ലർക്ക് കം ടൈപ്പിസ്റ്റ്,
ട്രെയിൻസ് ക്ലർക്ക് എന്നീ തസ്തികകളിലാണ് ഒഴിവുകൾ.
പ്ലസ് ടു കഴിഞ്ഞവർക്ക് റെയിൽവേയിൽ ജോലി നേടാൻ അവസരം. അണ്ടർഗ്രാജുവേറ്റ് വിഭാഗത്തിൽ 1,688 ഒഴിവുകളിൽ നിയമനം നടത്താനുള്ള വിജ്ഞാപനം റെയിൽവേ പുറത്തിറക്കി. കൊമേഴ്‌സ്യൽ കം ടിക്കറ്റ് ക്ലർക്ക്, അക്കൗണ്ട്‌സ് ക്ലർക്ക് കം ടൈപ്പിസ്റ്റ്, ജൂനിയർ ക്ലർക്ക് കം ടൈപ്പിസ്റ്റ്, ട്രെയിൻസ് ക്ലർക്ക് എന്നീ തസ്തികകളിലാണ് ഒഴിവുകൾ. അപേക്ഷകൾ നവംബർ 13 വരെ ഓൺലൈനായി സമർപ്പിക്കാം.
യോഗ്യത
അപേക്ഷകന്റെ പ്രായം 18നും 30നും ഇടയിൽ ആയിരിക്കണം. സംവരണ വിഭാഗങ്ങൾക്ക് അഞ്ച് വർഷം വരെ ഇളവ് ലഭിക്കും. ഭിന്നശേഷിക്കാർക്ക് വിഭാഗമനുസരിച്ച് 10 മുതൽ 15 വർഷം വരെ പ്രായപരിധിയിൽ ഇളവുണ്ട്.
ശമ്പളം
തസ്തിക അനുസരിച്ച് ഏഴാം ശമ്പള കമ്മിഷൻ പ്രകാരം ലെവൽ രണ്ട്, മൂന്ന് ശമ്പള സ്കെയിലുകളിലാണ് നിയമനം. കൊമേഴ്‌സ്യൽ കം ടിക്കറ്റ് ക്ലർക്ക് തസ്തികയിൽ തുടക്ക അടിസ്ഥാന ശമ്പളം 21,700 രൂപയാണ്. മറ്റ് തസ്തികകളിൽ 19,900 രൂപയാണ് അടിസ്ഥാന ശമ്പളം.
കംപ്യുട്ടർ അധിഷ്ഠിത പരീക്ഷയുടെ രണ്ട് ഘട്ടങ്ങൾ (CBT 1, CBT 2), രേഖാപരിശോധന, മെഡിക്കൽ പരിശോധന എന്നിവയുടെ അടിസ്ഥാനത്തിലാണ് തിരഞ്ഞെടുപ്പ്. പ്രത്യേക ടൈപ്പിങ് സ്കിൽ ടെസ്റ്റ് ഉണ്ടായിരിക്കില്ല. ഒന്നാം ഘട്ട പരീക്ഷയിൽ 100 ചോദ്യങ്ങളും രണ്ടാം ഘട്ട പരീക്ഷയിൽ 120 ചോദ്യങ്ങളുമുണ്ടാകും.
എങ്ങനെ അപേക്ഷിക്കാം?
റെയിൽവേ റിക്രൂട്ട്‌മെന്റ് ബോർഡിന്റെ ഔദ്യോഗിക വെബ്‌സൈറ്റായ https://rrb.indianrailways.gov.in/ വഴി വിജ്ഞാപനവും അപേക്ഷാ നടപടികളും പരിശോധിക്കാം.
അപേക്ഷ സമർപ്പിക്കാൻ ഇവിടെ ക്ലിക്ക് ചെയ്യുക.
https://www.rrbapply.gov.in/#/auth/home
കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക
https://www.rrbapply.gov.in/assets/forms/CEN_07_2026_NTPC_UG.pdf
